Гэрлээр наадав

Ойрд хол явж зураг авч чадсангүй, ойр зуурхан туршилт хийж үзэв.
Нэг. Харанхуй шөнө ЛЭД гэрлээр үсэг бичиж зураг зурж үзье гэж бодогдов.

Эхний хэдэн зураас...

Өт зурж байх явцад техникийн алдаа гарч цагаан
цагаан шорттой сүнсний зураг авсан байна.

Арай дадлагажиж, сүнсийг нуухтай болов.
Өөрийн нэрийг бичиж үзэв. Хэд хэд алдаж бичээд
сүүлд нь нэг болгов.

Тайлбар байхгүй.

Хоёр. Ойрд дуу цахилгаантай бороо ихтэй байгааг тохиолдуулаад аянгын гэрэл буулгаж үзэх хүсэл төрвөө. Гэхдээ тэр тэнгэрийн гэрэл мань мэт шиг газрын хүнд баригддаггүй эд юм.

Наадмын орой. Баруунаас бараан уул цуглаж
тэнгэр нижигнэж, аадар оров. Тэгэнгээ
аянга цахилж нартай борооноос солонго
татваа гэж.

Нар жаргасны дараа ч үргэлжлүүлэн аянга цахилсаар.

Энэ удаа аянгын гэрлийг дарах гэж
нилээд удаан оролдсон бөгөөд бараг
100-аад зураг дарсан ч олигтой чадсангүй.
Сайхан байрлал эзэлж байгаад дахиж нэг
дарнаа.