Тагажо хот

Өчигдөр Мияги мужийн жижиг хот руу сайн дурын ажлаар яваад ирлээ. Далайн эргээс 4-5 км өолохоор арай ч 10 м-ээс дээш цунами орж ирээгүй. Далайн эрэгт ойр байрласнууд нь бараг байшин ч үлдээгүй, дан бетонон суурь л үлдсэн.

Өглөө эртлэн Тагажо хотын захиргаанд очиход сайн дурын ажилчид нилээд цугласан байсан ба 4-5 хүнтэй багуудад хуваан цунамид өртсөн айл өрхүүдэд туслах үүрэг өгч хуваарилаж байлаа.
Би тус хотын 4 оюутантай хамт нэг баг болон доод давхартаа жижиг дэлгүүр ажиллуулдаг айлд очиж эвдэрсэн хаалгыг нь нээж, дэлгүүрийн эд зүйлёийг гаргав. Дараа нь хэрэглэж болохоор хэрэглэж болохооргүйгээр нь ялгаад байшингийн шалан дээр тогтсон лаг шаврыг цэвэрлэв. Зурагт дэлгүүрээс гаргасан эд зүйлсийн арай дөнгүүр хэсгүүд. Сайн харвал хаалтны дээгүүр цунами явж өнгөрсөн хүрээ татсан байгаа. Өндөр нь 3 метр 30 см гэж байсан.


Машины зогсоолд тогтсон шаврыг зайлуулсан нь. Өөр олон зураг дараагүй, хүнд үед хажуугаар нь зураг дараад яваад байх нь тийм ч сайхан сэтгэгдэл төрүүлэхгүй байх гэж бодсон. Энэ газарт 3 сарын 11 нээс хойш ус, гааз, тог тасарсан, цаашид хэзээ ирэх нь ч тодорхойгүй байна лээ.